உலகஞ் சுற்றி பகலவன்
உச்சந் தொடுவானில் உருகும்
நட்ட நண்பகல் - கொட்டி முழக்கி
நெஞ்சச் செவிக்கு செய்திவிடும்:
“வா! வெளியே வா!
உலவா! உலவ வா!
வெண்பனிச் சுமை மூடிய வழிகள்
தலைப்பணிச் சுமையால் மடங்கிய
உன் கால்களுக்கே!
ஏற்ற உடையுடுத்தி ஏறுபோல் வா!”
எதிர்மறை வெப்பநிலையில் - கண்
எதிரே மறையும் துருவத்து மீனோடு
துரும்பு மீன் நானும் துள்ளல் நடை
நாள்தோறும் இடுவேனே!
உடல் உளம் பேணிட சூளுரையே இது!
- பெரமு
