Lovable Magic - மாயம்

மாயாவிகள்

கூடி கூடி
நாம் பேசும்
கொஞ்ச கொஞ்ச
நேரங்களிலும்
குட்டி குட்டி
இடைவெளிகள் !


அதையும்
நிரப்பி விடுகின்றன
விட்டு விட்டு
பேசித் துடிக்கும்- நம்
சின்ன சின்ன
இதயங்கள் ...!


- பெரமு

You are a killer - கொலைகாரி நீ !

நீ பார்க்கும் போதெல்லாம்
நான் கொலை
செய்யப்படுகிறேன் !
பார்க்காத போதெல்லாம்
தற்கொலை
செய்து கொள்கிறேன் !

இப்படி செத்து செத்து
பிழைக்கும்
மறுபிறவிகளை
அருளி விட்டாய் நீ !

தூண்டில் - fishing hook

தன் பலவீனத்தை
தூண்டில் முள்ளில்
தொங்கவிடுவாள்
அவள் ..!

கொக்கி முனையில்
தொண்டைக் குழி
சிக்கும் வரை - அவள்
தன் வசம் சிக்கிவிட்டதாய்
துள்ளுவான் அவனும் ..!

சுண்டி இழுத்து
தரையில் போட்ட
பிறகுதான் - எல்லாம்
விளங்கும் ...
ஒரு மீனாய் யார்
யாரிடம் சிக்கிக்
கொண்டது என்று !

காதல் ஒரு வரம் - அது
வலை விரித்து
பிடிக்கப்படாத வரை !

உச்சியில் இருந்து
கொட்டும் அருவியாய்
உயர வானில்
பறக்கும் குருவியாய்
வாய்க்கும் காதலில்
தடை ஏது ?!
சுதந்திரத்திற்கு
குறை ஏது ?!

                             - பெரமு